????دعا مانگنے کے بعض آداب تو رکنیت کے درجہ کو پہنچتے ہیں اور بعض شرط کے درجہ کو پہنچتے ہیں اور کچھ مامورات ہیں جن کے اختیار کرنے کا حکم دیا گیا ہے اور کچھ منہیات ہیں جن سے منع کیا گیا ہے ۔????
????رکن وہ امر جس پر دعا کے دعا ہونے کا مدار ہے یعنی دعا کی روح ۔ مثلاً "اخلاص" کہ اس کے بغیر دعا دعا ہی نہیں ہوتی ۔ اس کے علاوہ پورے یقین کے ساتھ اور قطعی طور پر دعا مانگنا کہ اللہ تعالیٰ دعا یقیناً قبول کرتے ہیں اور میں بغیر کسی تذبذب اور تردد کے دعا مانگتا ہوں ۔????
????شرط وہ چیز جس پر دعا کی قبولیت موقوف ہو کہ اگر وہ نہ پائی جائے تو دعا قبول ہی نہ ہو اگرچہ کتنے ہی اخلاص سے کی جائے ۔ مثلاً محرمات یعنی حرام غذا، حرام لباس اور حرام روزی سے بچنا کہ اگر یہ شرط نہ پائی گئی اور دعا کرنے والا ان محرمات سے پرہیز نہ کرے گا تو دعا قبول نہ ہوگی جیسا کہ حدیث شریف میں اس کی تصریح ہے۔????
????مامورات وہ پسندیدہ امور اور پسندیدہ صورتیں جو دعا کو زیادہ مؤثر اور قابل قبول بنا دیتی ہیں اسی لیے رسول اللہ صلی اللہ علیہ وسلم نے حکم فرمایا ہے اگر ان پر عمل نہ کیا جائے تب بھی دل سے نکلی ہوئی دعا انشاءاللہ قبول ہو جائے گی ۔ مثلاً دعا میں دوزانوں ہو کے بیٹھنا یا قبلہ کی طرف رخ کر کے بیٹھنا کہ یہ اللہ کی طرف توجہ اور ادب و احترام کی علامت ہے مگر دعا کی قبولیت ان پر موقوف نہیں ہے ۔????
????منھیات وہ نا پسندیدہ امور یا دعا کی وہ صورتیں جو دعا کے مناسب یا اللہ تعالیٰ کے شایان شان نہیں ہیں ۔ مثلاً دعا مانگتے وقت آسمان کی طرف نظر اٹھانا دعا کی وہ ناپسندیدہ صورت ہے جس سے رسول اللہ صلی اللہ علیہ وسلم نے منع فرمایا ہے، اس لئے کہ یہ صورت اللہ کے ادب و احترام اور دعا مانگنے والے کے لیے مناسب نہیں ہے، ہوسکتا ہے کہ یہ حرکت بے ادبی یا گستاخی بن کر دعا کو قبول کرنے سے محروم کر دے اس لیے اس سے بچنا چاہیے ۔????
❄️وہ آداب یہ ہیں :❄️
۱۔ کھانے، پینے، پہننے اورکمانے (روزی کمانے کے ذرائع) میں حرام سے بچنا۔ (شرط)????
۲۔ اللہ جل جلالہ کے لیے اِخلاص۔ (رکن)????
۳۔ دعا مانگنے سے پہلے کوئی نیک کام کرنا (مثلاً: صدقہ دینا یا نماز پڑھنا وغیرہ)، سختیوں اور مصیبتوں کے وقت خاص طور پر اپنے نیک اعمال کا ذکر کرنا (یعنی ان کے واسطے سے دعا مانگنا)۔ (مستحب)????
۴۔ ناپاکی اور نجاست، گندگی اور غلاظت سے پاک اور (میل کچیل سے) صاف (وستھرا) ہونا۔ (مستحب)????
۵۔ وضو کرنا۔ (مستحب)????
۶۔ قبلہ کی طرف رُخ کرنا۔(مستحب)????
۷۔ (دعا مانگنے سے پہلے) نماز (حاجت) پڑھنا۔ (مستحب)????
۸۔ (دعا مانگنے کے لیے) دو زانو بیٹھنا۔ (مستحب)????
۹۔ (دعا مانگنے سے) پہلے اور بعد میں اللہ تعالیٰ کی حمد و ثنا کرنا۔ (مستحب)????
۱۰۔ اِسی طرح (دعا کے) اوّل اور آخر میں نبی ﷺ پر درود و سلام بھیجنا۔ (مستحب)????
۱۱۔ دونوں ہاتھ پھیلا کر دعا مانگنا۔ (مستحب)????
۱۲۔ (سائل کی طرح)دونوں ہاتھ اوپر اٹھانا۔ (مستحب)????
۱۳۔ دونوں ہاتھوں کو مونڈھوں تک اٹھانا۔ (مستحب)????
۱۴۔ دونوں ہاتھوں کو ۔ُکھلا رکھنا۔ (مستحب)????
۱۵۔ (دعا کے وقت قولاً اور عملاً) اللہ تعالیٰ کے شایانِ شان آداب و احترام کو اختیار کرنا۔ (مستحب)????
۱۶۔ (دعا مانگنے میں) عاجزی اور انکساری اختیار کرنا۔ (مستحب)????
۱۷۔ ۔ِگڑ۔ِگڑانا۔ (مستحب)????
۱۸۔ دعا مانگنے کے وقت آسمان کی طرف نگاہ اٹھانا۔ (مکروہ)☀️
۱۹۔ اللہ جل جلالہ کے اسمائے ۔ُحسنیٰ اور اعلیٰ صفات کا واسطہ دے کر دعا مانگنا۔ (مستحب)????
۲۰۔ دعا میں بہ تکلف قافیہ بندی [اشعار موزوں کرنا] سے پرہیز کرنا۔ (مکروہ)☀️
۲۱۔ دعا میں بالقصد نغمہ سرائی [گانے کا انداز اختیار کرنا] اور بہ تکلف خوش اِلحانی [آواز اچھی کرنا] اختیار کرنا۔ (مکروہ)☀️
۲۲۔ انبیا ؑ کے وسیلہ [واسطہ] سے دعا مانگنا۔ (مستحب)????
۲۳۔ اللہ کے نیک بندوں (اولیا اللہ) کے وسیلہ سے دعا مانگنا۔ (مستحب)????
۲۴۔ دعا میں آواز کو ۔َپست رکھنا (نیچی آواز میں دعا مانگنا)۔ (مستحب)????
۲۵۔ اپنے گناہوں کا اِقرار کرنا۔ (مستحب)????
۲۶۔ رسول اللہﷺ سے جو دعائیں صحیح احادیث میں منقول ہیں، انہی کو اختیار کرنا، کیونکہ آپ نے کسی دوسرے کوبتلانے کی ضرورت ہی نہیں چھوڑی ہے (یعنی وہ تمام ضروریات و حوائج جن کے لیے انسان دعا مانگتا ہے، آپ نے اُن سب کے لیے دعائیں بتلادی ہیں)۔ (مستحب)????
۲۷۔ جامع (تمام ضروریات و حوائج پر حاوی) دعائیں اختیار کرنا۔ (مستحب)????
۲۸۔ اپنی ذات سے دعا شروع کرے اور پھر اپنے ماں باپ اور تمام مومن بھائیوں کے لیے دعا کرے (یعنی پہلے اپنے لیے پھر درجہ بدرجہ اوروں کے لیے دعا مانگے)۔(مستحب)????
۲۹۔ اگر امام ہو تو تنہا اپنے لیے دعا نہ مانگے، بلکہ اپنے اور تمام مقتدیوں کے لیے دعا مانگے، مثلاً: ’’میری ‘‘ کی بجائے ’’ہماری‘‘ یا ’’میں‘‘ کے بجائے ’’ہم‘‘ کے الفاظ استعمال کرے۔ (مستحب)????
۳۰۔ پورے یقین کے ساتھ اور قطعی طور پر دعا مانگنا کہ اللہ تعالیٰ دعا یقینا قبول کرتے ہیں اورمیں بغیر کسی تذبذب و تردّد [غیر یقینی کیفیت] کے دعا مانگتا ہوں۔ نیز دعا کو اپنی طرف سے کسی چیز پر موقوف بھی نہ کرے، مثلاً: یہ نہ کہے کہ اگر تو چاہے تو میرا قرض اداکردے۔ بلکہ اِس طرح دعا مانگے: الٰہی میر اقرض ادا کردے۔ (رکن)????
۳۱۔ انتہائی رغبت و شوق کے ساتھ دعا مانگے (بے دلی سے دعا نہ مانگے)۔ (مستحب)????
۳۲۔ دل (کی گہرائیوں) سے پوری کوشش و محنت سے دعا مانگے اور دل دعا کی طرف پوری طرح متوجہ ہو اور اللہ سے حسنِ ظن [اچھا گمان] رکھے۔ (رکن)????
۳۳۔ (ایک ہی مقصد کے لیے)بار بار دعا مانگے۔ (مستحب)????
۳۴۔ ایک ہی دعا بار بار مانگنے کا کم سے کم درجہ تین مرتبہ ہے (یعنی ہر دعا کم سے کم تین مرتبہ مانگے)۔ (مستحب)????
۳۵۔ کسی دعاپر اِصرار نہ کرے (کہ میری یہ دعا تو تجھے قبول کرنی ہی ہوگی)۔ (مکروہ)☀️
۳۶۔ کسی گناہ کی یا قطع رحمی کی دعا نہ کرے۔ (شرط)????
۳۷۔ جو چیز روزِ اوّل [شروع دن] سے ہوچکی ہے اس (کے خلاف) دعا نہ مانگے۔ (مثلاً: الٰہی تو مجھے عورت سے مرد یا مرد سے عورت بنادے)۔ (شرط)????
۳۸۔ دعا میں حد سے تجاوز نہ کرے کہ کسی محال اور ناممکن امر کی دعا مانگے۔ (شرط)????
۳۹۔ اللہ کی رحمت میں تنگی نہ کرے (مثلاً:الٰہی تو میری ہی مغفرت کر اور کسی کی نہ کر)۔
(مکروہ)☀️
۴۰۔ اپنی تمام حاجتیں (چھوٹی ہوں یا بڑی کتنی ہی معمولی کیوں نہ ہوں) اللہ سے مانگے۔
(مستحب)????
۴۱۔ دعا مانگنے والا اور ۔ُسننے والا دونوں آمین کہیں (مستحب)????
۴۲۔ دعا سے فارغ ہوکر دونوں ہاتھ منہ پرپھیرے۔ (مستحب)????
۴۳۔ دعا کی قبولیت میں جلد بازی نہ کرے، مثلاً یوں کہے: دعا پوری ہونے میں ہی نہیں آتی، یا میں نے دعا کی تھی، قبول ہی نہیں ہوئی۔ (شرط)????
????????حصن حصین ????????
نوٹ:اگر پوسٹ اچھی لگے تو دوسروں کی بھلائی کے لیے شئیر ضرور کریں۔شکریہ
ابھی کوئی تبصرہ نہیں کیا گیا۔