پینشن کی رقم میں میراث کا حکم
*⚖سوال و جواب⚖*
*مسئلہ نمبر 1118*
(کتاب الفرائض) *پینشن کی رقم میں میراث کا حکم*
*سوال:* ایک شخص کا انتقال ہو چکا اور اسکے حصّے میں کل 2400 اسکیر فٹ جگہ ہے جس پر مکان بنا ہوا ہے مرحوم کو بیوی کے علاوہ 4 بیٹے اور 2 بیٹیاں ہیں، حصّوں کی تقسیم کس طرح ہوگی؟
اسکے علاوہ مرحوم کو سرکار کی طرف سے ہر ماہ پینشن بھی ملتی ہے جو تقریبًا 20000 روپیے ہے۔ یہ پنشن بیوی اپنے پاس رکھتی ہے، کیا اس میں بھی چاروں بیٹوں کو ہر مہینے کچھ حصّہ ملیگا؟ (ندیم ندوی مہاراشٹر)
*بسم اللہ الرحمن الرحیم*
*الجواب وباللہ التوفیق*
مرحوم نے اپنے ترکہ میں جو مکان چھوڑا ہے اس میں تمام وارثین کا شرعی حصہ ہے، مسئلہ کے اعتبارسے اس پورے گھر کے 80/ حصے کیے جائیں گے، جن میں سے دس حصے بیوی کے یعنی تین سو اسکوائر فٹ، ہر لڑکے کو چودہ حصے یعنی ہر ایک کو چار سو بیس اسکوائر فٹ، ہر لڑکی کو سات حصے یعنی ہر ایک کو دو سو دس اسکوائر فٹ ملیں گے، اب اگر اس مکان میں آپسی مصالحت سے رہنا چاہیں تو ماں اور سارے بھائی رہیں اور بہنوں کو ان کے حصے کی موجودہ قیمت دے دیں بشرطیکہ وہ راضی ہوں۔
پنشن کی جو رقم مرحوم کی بیوہ کو ملتی ہے وہ اس کے اخراجات کے لئے ہوتی ہے، اس میں شرعی میراث جاری نہیں ہوگی کیونکہ وہ مرحوم کے انتقال کے وقت ان کی ملکیت میں نہیں تھی، میراث صرف مال مملوک میں جاری ہوتی ہے۔ مرحوم کے انتقال کے بعد ان کی بیوہ کو جو رقم مل رہی ہے وہ سرکار کی طرف سے ان کے لیے تعاون اور ہدیہ ہے، چنانچہ وہ اس کی مالک و متصرف ہونگیں، وہ اپنی خوشی سے جس کو جتنا دینا چاہے دے سکتی ہیں(١)۔ فقط والسلام واللہ اعلم بالصواب۔
*????والدليل على ما قلنا????*
(١) يُوصِيكُمُ اللَّهُ فِي أَوْلَادِكُمْ ۖ لِلذَّكَرِ مِثْلُ حَظِّ الْأُنثَيَيْنِ (النساء ١١)
ۚ وَلَهُنَّ الرُّبُعُ مِمَّا تَرَكْتُمْ إِن لَّمْ يَكُن لَّكُمْ وَلَدٌ ۚ فَإِن كَانَ لَكُمْ وَلَدٌ فَلَهُنَّ الثُّمُنُ مِمَّا تَرَكْتُم ۚ مِّن بَعْدِ وَصِيَّةٍ تُوصُونَ بِهَا أَوْ دَيْنٍ ۗ وَإِن كَانَ رَجُلٌ يُورَثُ كَلَالَةً أَوِ امْرَأَةٌ وَلَهُ أَخٌ أَوْ أُخْتٌ فَلِكُلِّ وَاحِدٍ مِّنْهُمَا السُّدُسُ ۚ فَإِن كَانُوا أَكْثَرَ مِن ذَٰلِكَ فَهُمْ شُرَكَاءُ فِي الثُّلُثِ ۚ مِن بَعْدِ وَصِيَّةٍ يُوصَىٰ بِهَا أَوْ دَيْنٍ غَيْرَ مُضَارٍّ ۚ وَصِيَّةً مِّنَ اللَّهِ ۗ وَاللَّهُ عَلِيمٌ حَلِيمٌ (النساء 12)
ﻳﺒﺪﺃ ﻣﻦ ﺗﺮﻛﺔ ﺍﻟﻤﻴﺖ ﺑﺘﺠﻬﻴﺰﻩ ﻭﺩﻓﻨﻪ ﻋﻠﻰ ﻗﺪﺭﻫﺎ ﺛﻢ ﺗﻘﻀﻰ ﺩﻳﻮﻧﻪ, ﺛﻢ ﺗﻨﻔﺬ ﻭﺻﺎﻳﺎﻩ ﻣﻦ ﺛﻠﺚ ﻣﺎﻟﻪ, ﺛﻢ ﻳﻘﺴﻢ ﺍﻟﺒﺎﻗﻲ ﺑﻴﻦ ﻭﺭﺛﺘﻪ. (الاختيار لتعليل المختار ٨٥/٥ دار الكتب العلميه بيروت)
للمالك أن يتصرف في ملكه أي تصرف شاء. (الفقه الإسلامي و أدلته ٥٥٢/٦)
للمرأة أن تهب مالها (الفتاوى الهندية ٣٤٨/١ كتاب النكاح باب المهر الفصل العاشر)
*كتبه العبد محمد زبير الندوي* دار الافتاء و التحقیق مدرسہ ہدایت العلوم بہرائچ یوپی انڈیا مؤرخہ 16/8/1441 رابطہ 9029189288
*دینی مسائل عام کرنا ثواب جاریہ ہے*
تبصرہ کریں
تبصرے
ابھی کوئی تبصرہ نہیں کیا گیا۔